A Xunta propón como festivos en 2026 San Xosé, San Xoán e o 25 de xullo

Galicia terá o 19 de marzo, día de San Xosé; o 24 de xuño, San Xoán, e o 25 de xullo, Día Nacional de Galicia, como festivos autonómicos para o próximo ano, segundo a proposta de calendario laboral aprobada este luns polo Consello de la Xunta.

A normativa estatal establece 14 festas anuais de ámbito nacional non recuperables, remuneradas e de carácter obrigatorio, das que dúas son elixidas por cada concello. Dos outros 12 festivos restantes, nove son de carácter obrigatorio e non substituíbles a non ser que coincidan en domingo: 1 de xaneiro, Venres Santo, 1 de maio, 15 de agosto, 12 de outubro, 1 de novembro, 6 de decembro, 8 de decembro e 25 de decembro.

O próximo ano caen en domingo o 1 de novembro e o 6 de decembro, polo que a Xunta propón substituílos polo de 19 marzo e o 24 de xuño.

A Xunta sempre elixe o 25 de xullo, xa que é o Día Nacional de Galicia, tal e como quedou establecido polo Decreto 8/1978, do 10 de xullo. 

Por tanto, as festas do calendario laboral para Galicia no 2026 serán:

· Aninovo (1 de xaneiro)

· Día de Reis (6 de xaneiro)

· San José (19 de marzo)

· Xoves Santo (2 de abril)

· Venres Santo (3 de abril),

· Festa do Traballo (1 de maio),

· San Xoán (24 de xuño),

· Día de Galicia (25 de xullo),

· Asunción da Virxe (15 de agosto),

· Festa Nacional de España (12 de outubro),

· Inmaculada Concepción (8 de decembro)

· Nadal (25 de decembro).

·Ademais destes días, cada concello determina dúas xornadas festivas como propias da súa localidade.

A proposta da Xunta será trasladada ao Consello Galego de Relacións Laborais antes da súa aprobación definitiva.