Abre o prazo para solicitar o Bono Alugueiro Mocidade

No momento complexo que vive o mercado inmobiliario, moitos mozos teñen problemas para asumir un alugueiro. Un estudo do Consello da Xuventude sinala que para emanciparse teñen que empregar o 80 % dos seus ingresos. A idade media para esa emancipación supera xa os 30 anos, a cifra máis alta das últimas dúas décadas. 

Para paliar esta situación, a Xunta abre hoxe unha nova convocatoria do Bono Alugueiro Mocidade, que está dotada dun orzamento de 13 millóns de euros durante dous anos. 

O prazo para solicitar esta axuda de 250 euros ao mes, abre este venres 28 de febreiro e vai estenderse ata o 28 de marzo. 

Ademais de ser menor de 36 anos no momento de pedila, as persoas beneficiarias deberán dispoñer dunha fonte regular de ingresos e acreditar que eses ingresos non superen tres veces o IPREM. É dicir, que non reciben máis de 1.800 euros mensuais.