Adiántase o comezo das rebaixas do verán

Atrás quedou o un de xullo como data oficial de comezo das rebaixas do verán, a que polas vendas está considerada como a segunda campaña máis importante do ano, porque dende hai xa algúns días moitos establecementos de grandes firmas xa anuncian descontos tanto nos seus escaparates a pé de rúa coma nas plataformas dixitais.

E no medio deste novo escenario, queda coma sempre o pequeno comercio, que, unha vez máis, volve insistir na necesidade dunha norma clara para todos.