Aeroliñas pagan alugueiro de coches a pasaxeiros que sofren atrasos

Varios xulgados de Barcelona ditaron sentenzas que cambian o concepto das reparacións establecidas por atrasos ou cancelacións de voos.

A novidade, segundo explica o avogado Antonio Heredero, está en que se as indemnizacións taxadas non cobren o dano real deben de incrementarse.  A última sentenza dálle a razón a un pasaxeiro que pola cancelación dun voo en Vigo tivo que chegar a Boloña por estrada.

Neste caso, segundo Antonio Heredero de Balms Avogados, demostrouse que o afectado tivo que custear outro tipo de transporte para chegar ao seu destino.

Pola normativa vixente corresponderíanlle 400 euros; porén, os gastos reais superaron os 1.500 euros e por iso  a xustiza obriga a aeroliña a pagalo.

Heredero lembra aos pasaxeiros a importancia de gardar sempre os billetes e facturas para poder xustificar os gastos reais ocasionados. 

Os expertos aconsellan facelo da man de xuristas ou de organizacións  de consumidores.