Día de moita actividade en Peinador ao asumir os voos de Sá Carneiro
Día de moita actividade en Peinador ao asumir os voos de Sá Carneiro
O aeroporto de Vigo recibe parte do tránsito aéreo do Porto polas reformas na terminal lusa
Este martes é un día de moita actividade no aeroporto vigués, xa que Peinador asume parte do tránsito aéreo que chegaría ao aeroporto do Porto.
O aeroporto de Sá Carneiro permanece pechado ata ás 6:00 horas da madrugada deste mércores por obras na pista principal. Este peche temporal afecta a uns 50.000 pasaxeiros en total.
Por ese motivo ata 20 voos con destino O Porto foron desviados a Vigo, onde se percibe unha afluencia moito maior de pasaxeiros e maletas do habitual.
Desviáronse á Cidade Olívica voos procedentes do Senegal, Cabo Verde, Almería, Murcia, Mallorca, Venecia e mesmo Londres. Peinador engade estes voos de maneira coordinada cos xa fixos na súa grella.
