Altas temperaturas e valores case históricos neste mes de novembro
Altas temperaturas e valores case históricos neste mes de novembro
Ás dez da mañá os termómentros xa marcaban vinte graos en todo o litoral
A partir de mañá chegan as precipitacións e baixan as temperaturas máximas
Levamos sete días de novembro e sorprende a calor que vai. Sol e altas temperaturas para esta época do ano que nos obrigan a rescatar dos armarios pezas de roupa máis lixeiras.
Ata hai quen non dubidou en poñer os traxes de baño. Esta mañá, contra as dez, os termómetros xa marcaban vinte graos en todo o litoral. Pola tarde, as temperaturas van seguir sendo moi altas, pero é probable que non academos valores tan elevados coma os de onte.
Pero o caso é que polas noites, na do martes ao mércores, por exemplo, os termómetros, en lugares como Vigo ou Cedeira, seguían con 20 graos despois do solpor.
A partir de mañá comeza a aumentar a nebulosidade e chegarán as precipitacións. Con elas, baixarán as temperaturas máximas, malia que se van manter entre os 15 e os 20 graos.
