Alumnos de bacharelato crean unha vivenda bioclimática

Enerxía solar, cuberta vexetal, estrutura de madeira, orientación sur ou ladrillos feitos de cáñamo e lama. Son algúns dos rasgos deste módulo bioclimático integramente deseñado e parcialmente construído polos alumnos do instituto As Lagoas de Ourense. Un proxecto freado pola pandemia pero xa disposto para acoller máis experimentos en bioconstrución.

No proxecto participaron estudantes de diferentes ramas que traballaron en grupos reducidos nos distintos aspectos do proxecto. Dende a eficiencia enerxética ata a selección de materiais, o deseño innovador ou a parte artística. Tanto para os que están agora como para os que xa marcharon e os que virán, unha experiencia enriquecedora.

Os alumnos din que participar este proxecto tamén lles será de utilidade cando comencen a súa carreira profesional.