Amazon eleva ata 18.000 os empregados que despedirá

Amazon despedirá finalmente máis de 18.000 empregados, unha cifra récord, resultado de sumar os 10.000 anunciados o pasado novembro e os que o farán nas próximas semanas, segundo informou este xoves a compañía de comercio electrónico estadounidense.

Segundo unha nota interna enviada aos traballadores polo conselleiro delegado da empresa, Andy Jassy, a decisión foi particularmente difícil, debido á incerteza económica e ao elevado número de contratos feitos nos últimos anos.

"En novembro comunicamos a difícil decisión de eliminar varios postos nos nosos negocios de dispositivos e libros, e tamén anunciamos unha oferta de redución voluntaria para algúns empregados na área de Persoas, Experiencia e Tecnoloxía", lembra Jessy, que engade que nese momento xa dixo que se esperaban máis reducións.

A maioría das saídas anunciadas hoxe centraranse nesta última división e nas tendas de Amazon, engade.