Aparece unha pedra fálica nas escavacións na Torre de Meira, en Moaña
Aparece unha pedra fálica nas escavacións na Torre de Meira, en Moaña
Os expertos cren que puido utilizarse para afiar
Importante achado na escavación que se está a realizar na torre de Meira, en Moaña. Medios internacionais tan importantes como National Geographic xa se fixeron eco do descubrimento.
É coñecido coma a torre de Meira, pero neste xacemento estaba situado un pequeno castelo destruído nas segundas revoltas irmadiñas.
Un equipo de arqueólogos e de canteiros que traballan no lugar acaban de atopar unha pedra con forma de pene moi singular.
É unha peza difícil de atopar en xacementos medievais, con moito nivel de detalle que probablemente se empregou para afiar.
O seu achado causou moita expectación e xa se publicou en diferentes medios de comunicación internacionais.
O destino final da pedra fálica será o Museo de Pontevedra.
