Aparece unha planadora en Muxía
Aparece unha planadora en Muxía
Reúne as características dunha narcolancha e tería capacidade para case 3.000 quilos de droga
Esta tarde apareceu unha planadora en Muxía. Na praia de Nemiña. Foi un pesqueiro que navegaba pola zona quen avistou a embarcación e avisou os servizos de urxencia.
A embarcación ten 12 metros de eslora e catro motores de 300 cabalos de potencia cada un.
Está baleira pero reúne as características dunha narcolancha e tería capacidade para case 3.000 quilos de droga.
Ata a zona trasladáronse efectivos da Garda Civil.
O estado da motora fai pensar que levaba varios días á valga e que foi o temporal o que a trouxo a terra.
A súa aparición prodúcese un mes despois de que se atoparan outras tres narcolanchas nas praias de Ribeira.
Está previsto que a narcolancha se retire do areal este venres.
