Aparece unha vintena de coches coas rodas picadas en Malpica
Aparece unha vintena de coches coas rodas picadas en Malpica
Todos sospeitan dun home, pero ninguén se atreve a acusalo
En Malpica denuncian picadas masivas nas rodas dos coches que quedan estacionados no peirao ou na súa contorna. Os veciños aseguran que veñen sufrindo estes ataques vandálicos xa desde a semana pasada.
Desde entón, din, foron varias as persoas que cando, polas mañás, van coller os seus coches para ir traballar ou levas os nenos á escola se atopan con que teñen dúas, tres ou incluso as catro rodas picadas.
Todos os turismos afectados estaban estacionados no peirao ou na súa contorna e non presentaban ningún outro dano.
Todos sospeitan dun home de Corme, de 47 anos, que leva un tempo vivindo na vila. Porén ninguén se atreve a acusalo porque nunca o colleron na allada. Hai quen di tamén que anda amolando polos pequenos negocios.
Algúns dos afectados xa presentaron denuncia e agora a Garda Civil é quen se encarga de investigar os feitos para poder dar co ladrón.
