Aragonès será o candidato de ERC co obxectivo dun novo referendo

Esquerra Republicana de Catalunya opta pola continuidade para frear os rumores e aposta polo actual presidente da Generalitat, Pere Aragonès, como candidato nas próximas eleccións autonómicas de Cataluña.

O Consello Nacional do partido reuniuse este sábado para avalar a candidatura de Aragonès, aínda que a ratificación oficial  deberá agardar varios meses. Hai que ter en conta que non hai data fixada para os futuros comicios cataláns e o candidato asegurou que non se celebrarán ata o ano vindeiro.

De todas formas, despéxase unha incógnita, xa que había dúbidas de se o próximo candidato sería Aragonès ou ben Oriol Junqueras, que se encontra inhabilitado e pendente de que se concrete a lei de amnistía.

Aragonès fixou este sábado como meta política un referendo de independencia recoñecido internacionalmente.