Arde a antiga nave de Pescanova en Vigo
Arde a antiga nave de Pescanova en Vigo
Os Bombeiros de Vigo apuntan a que o lume podería ser intencionado
Un voraz incendio declarouse este sábado pola noite nunha nave da rúa Jacinto Benavente, situada fronte ao Auditorio Mar de Vigo, na vella fábrica de Pescanova, pechada na actualidade.
As lapas eran visibles desde o exterior. Ata o lugar desprazáronse os servizos de Emerxencia, coa Policía Local e Nacional e os Bombeiros que traballan para extinguir o incendio.
Os Bombeiros indicaron que tiveran constancia dun primeiro lume intencionado contra as 20:00 horas, polo que se trasladaron ata a nave e lograron sufocar as lapas. Unha hora e media máis tarde saltaron outra vez as alarmas tras iniciarse un segundo foco no mesmo lugar.
Os efectivos dos Bombeiros apuntan que o incendio puido ser causado polas persoas sen fogar que dormen no interior da nave abandonada.
