Ares dá un novo golpe á Liga Galega na casa de Bueu

Golpe de Ares á Liga Galega de Traiñeiras. A líder aproveitou as dúas Bandeiras da fin de semana, e con senllas vitorias suma xa seis esta temporada. Ademais, en Bueu aproveitou que Castropol rematou de segunda por diante da anfitrioa para afastala a sete puntos na clasificación xeral da Liga.

Tirán rematou no cuarto posto xusto por diante de Chapela, que remara na primeira quenda. A falta de sete regatas para que remate a Liga, e logo dun inicio moi igualado, Ares está a acadar unha vantaxe que pode ser xa moi importante de cara ao treito final.