Ares proclámase campión da Liga Galega

Boiro acolleu a penúltima cita da Liga Galega, a da consagración de Ares. Comezaba con 16 puntos de marxe sobre Chapela, que só lle arrebatou unha bandeira en todo o verán. E a Santa Olalla volveu cumprir. Gañou con autoridade a undécima regata da temporada, e proclamouse gañadora da Liga. Por detrás entraron Tirán, a 21 segundos, e Chapela, a 26, gran candidata a acompañar a Ares ao play off de ascenso con 5 puntos de renda sobre os moañeses.