Arrimadas, disposta a negociar co Goberno a reforma laboral

O Goberno xa abriu negociacións cos seus socios parlamentarios para validar a reforma laboral no Congreso, pero o bloque da investidura non llo vai poñer fácil. Ameazan con votar en contra se non hai cambios no texto asinado cos sindicatos e a patronal.

Quen si parece disposta a apoiar o decreto é a presidenta de Ciudadanos, Inés Arrimadas. "Evidentemente, non é unha reforma que nos fariamos pero que, se o Goberno nos chama, presentaremos o noso modelo e faremos o que teñamos que facer por responsabilidade", asegurou a líder do partido laranxa nunha entrevista en RNE.