O xeo impide a circulación do AVE entre Ourense e Madrid
O xeo impide a circulación do AVE entre Ourense e Madrid
Segundo informa ADIF, o servizo quedou interrompido entre Taboadela e Miamán (Baños de Molgas)
Os pasaxeiros foron trasladados a Ourense noutro tren para reiniciar a viaxe cara a Chamartín noutro AVE
O operador ferroviario Adif informa este mércores que a circulación da alta velocidade entre Taboadela e Miamán, no concello de Baños de Molgas, quedou interrompida por "condicións meteorolóxicas adversas". Segundo Europa Press, en concreto, a catenaria viuse afectada polo xeo xerado polas baixas temperaturas desta madrugada.
É o servizo 04054, que partiu da estación de Ourense ás 06:30 horas e tiña previsto chegar a Madrid Chamartín ás 08:45 horas.
Segundo informacións dalgúns viaxeiros, o convoi permaneceu parado en Taboadela, a poucos minutos de iniciar a viaxe, durante tres horas no interior dun túnel. As mesmas fontes relatan que o tren "perdeu forza" ata que acabou parando e foron informados de que se trataba dunha avaría.
Se encuentra interrumpida la circulación entre Taboadela y Miamán (tramo de alta velocidad Taboadela-Sanabria) por condiciones meteorológicas adversas.
— INFOAdif (@InfoAdif) January 15, 2025
Renfe enviou outro tren para retroceder ata Ourense os viaxeiros, que foron recolocados no AVLO Vigo-Madrid das 7:45 horas, que saíu da estación de San Francisco pouco antes das 10:00 horas.
