As empresas de reparacións reorganízanse para afrontar a avalancha de incidencias polos temporais
As empresas de reparacións reorganízanse para afrontar a avalancha de incidencias polos temporais
As flitracións de auga en cubertas e as inundacións de baixos e sotos son as incidencias máis habituais
Os operarios de reparacións non descansan para poder dar resposta á avalancha de incidencias que reciben polos efectos do mal tempo.
"Temos tres camións de desatasco e non damos feito".
O vento levantou tellados tirou árbores e valos. Pero é a auga a que máis danos provoca en vivendas, negocios, rúas e estradas.
"Sobre todo filtracións e canlóns que non teñen ben feito o mantemento e producen entradas de auga nas vivendas".
As empresas calculan que se multiplica por tres o seu traballo habitual. De feito vense obrigadas a reorganizar o seu programa para afrontar as incidencias.
"Paralizamos unhas obras e tempos que dar unha resposta rápida a outras como entradas de auga importantes que te obrigan a actuar".
A maior parte destes traballos realízanse por medio das comunidades de veciños e das aseguradoras. Unespa, a patronal do seguro, calcula en arredor de 800 millóns anuais os cartos que se destinan a danos provocados pola meteoroloxía.
"En Galicia prodúcese un de cada dezaseis sinistros deste tipo e páganse catro de cada cen euros. Galicia non é unha das comunidades nas que se produce unha maior sinistralidade".
Por provincias, Lugo e Pontevedra son as que acumulan máis sinistros relacionados coa meteoroloxía, seguidas da Coruña e de Ourense.
