Cargando resultados...
As obras nos viadutos da AP-53 sobre o Ulla afectarán o tráfico a partir do luns
As obras nos viadutos da AP-53 sobre o Ulla afectarán o tráfico a partir do luns
Prevén finalizar os traballos ao longo deste mes de marzo
G24.gal
10/03/2024 16:09
Última actualización 10/03/2024 21:13
O Ministerio de Transportes e Mobilidade Sostible realizará unhas obras de substitución de apoios en dous dos piares dos viadutos sobre o río Ulla da autoestrada AP-53, no municipio coruñés de Vedra, e no pontevedrés da Estrada, que afectarán ao tráfico a partir do luns.
Para garantir a seguridade dos traballadores e usuarios, o Ministerio informou de que a partir das 9:00 horas do luns haberá restricións entre os puntos quilométricos 16+400 e 18+050.
Nese tramo o corte afectará unha das calzadas, polo que o tráfico será redirixido pola vía adxacente, que funcionará en dobre sentido de circulación.
Desta forma, prevén finalizar os traballos ao longo deste mes de marzo.
