As rebaixas atraen a moitos clientes que aínda están cos agasallos dos Reis Magos

A dous días da chegada dos Reis Magos, os paxes andan atareados para dar cumprimento a todos os agasallos que aparecen nas cartas.

As compras de última hora teñen unha vantaxe, que se poden atopar con desconto, porque algúns establecementos xa comezaron coas rebaixas.

Atópanse sobre todo en tendas de roupa e calzado. As rebaixas varían, pero ver o letreiro no escaparate supón unha invitación para entrar no establecemento. Dentro, polo xeral, sempre atopan algo.

Hai anos que a lei desestacionalizou as rebaixas, de aí que sexa cada vez máis frecuente atoparse con prezos de saldo antes da chegada dos Reis Magos.