As redeiras de Portosín din que están fartas de atopar excrementos nos aparellos

Indignación e impotencia é o que senten as redeiras do cerco de Portosín cando chegan cada mañá a traballar e atopan excrementos de cans nos aparellos que teñen que manipular. Pero non son só de cans, hai quen usa as redes como aseo público.

No verán, o problema agrávase polo aumento de poboación e turistas, que converten as redes en contedores. Xa teñen atopado cristais entre as artes, o que supón ademais un risco.

Recoñecen que a solución é complexa, porque restrinxir o acceso ao porto é inviable. Pouco máis que facer que apelar ao civismo ou instalar cámaras de vixilancia. Din que esta medida contribuiría ademais a evitar roubos, que tamén son unha constante.