As confeiterías encaran a campaña do Samaín con figuras e cores propias da festa celta
As confeiterías encaran a campaña do Samaín con figuras e cores propias da festa celta
Lonxe de substituír os tradicionais ósos de santo, complementan a súa oferta
Tanto poden ser galletas como pastas ou rosquillas. O caso é que entre as súas cores destaquen a negra e mais a laranxa, que son as propias do Samaín, e entre as súas formas figuren cabazas, fantasmas, meigas ou morcegos.
As confeiterías galegas cada vez comezan antes a campaña do Samaín, que se celebra o 31 de outubro. Desta forma, nos escaparates dos establecementos coinciden doces tradicionais, coma os ósos de santo, cos propios desta festa de orixe celta.
Alberto Fariñas, reposteiro: "Facemos galletas con forma de momia, de esqueleto, piruletas con motivos de cabazas ou arañeiras, e pasteis de chocolate con forma de cemiterio con ósos e lápidas".
Segundo os reposteiros, os doces relacionados co Samaín gozan cada ano dunha maior aceptación. Lonxe de substituír os tradicionais ósos de santo, complementan a súa oferta por estas datas.
Raquel Álvarez, reposteira: "As galletas véndense moi ben. Levan moito tempo porque están moi decoradas con detalles, pero é o que á xente máis lle gusta. E aos nenos tamén".
A campaña do Samaín pode durar ata dúas semanas nalgunhas confeiterías, onde mesmo se chega a ofrecer café de cabaza.
Galletas de Samaín con forma de cabazas e de fantasmas
.png)
