As sete áreas sanitarias de Galicia abren a súas bolsas para médicos itinerantes para cubrir as vacantes do verán

As sete áreas sanitarias de Galicia abren a súas bolsas para médicos itinerantes para cubrir as vacantes do verán. Esta medida súmase á contratación de médicos mir de 4º ano. Un cento destes profesionais xa amosaron a súa disposición a ser reforzo este verán.

"Cada área sanitaria irá abrindo a súa bolsa en función das súas necesidades. Esta iniciativa é nova en Lugo, Coruña e Ferrol, pero nas outras áreas sanitarias xa se fixo outros anos e con moi bos resultados", explica o conselleiro de Sanidade, Antonio Gómez Caamaño.