Asalto violento nunha gasolineira da Estrada

Os feitos sucederon no serán do venres. Os asaltantes, dous mozos coñecidos na zona, entraron na gasolineira BP da Estrada para pedir que lles deixasen cargar un móbil. Pouco despois, o traballador deuse de conta de que estaban levando bebidas baixo a roupa e chamoulles a atención. Foi entón cando se puxeron violentos, entraron no mostrador e o agrediron.

Ademais de golpealo varias veces, roubáronlle o teléfono móbil. No momento do asalto había clientes na tenda, pero foron as traballadoras do supermercado de enfronte as que avisaron a Garda Civil. Esta mañá os asaltantes regresaban por sorpresa ao establecemento para devolverlle á vítima o teléfono roubado.