Ascenden a 14 os falecidos nas inundacións de Emilia Romaña

En Italia o número de falecidos nas inundacións de Emilia Romaña ascende a 14. E pode ser maior porque aínda hai persoas desaparecidas. O número de evacuados chega aos 20.000. E seguen os rescates. A zona aínda segue en aviso vermello por chuvia.

A agricultura é un dos sectores máis afectados. Calcúlase que están en xogo 50.000 postos de traballo. Máis de 5.000 explotacións están inundadas, e milleiros de hectáreas baixo a auga.
Coa temporada de verán a piques de empezar, o turismo é o outro sector máis afectado polas inundacións.