Parten de Beirut os dous avións que repatrían uns 240 españois residentes no Líbano

O segundo dos dous avións militares enviados ao Líbano para evacuar cidadáns españois voa xa cara a España con 40 persoas a bordo, informaron a EFE fontes de Defensa.

🔴 Última hora
Preparado para despegar desde Beirut #Líbano el #A400 del @EjercitoAire con un nuevo grupo de civiles a bordo. Tanto esta aeronave como el #A330, que partió previamente, vuelan en estos momentos rumbo a España. ¡Os esperamos! pic.twitter.com/3LmWD1h6sd

— Ministerio Defensa (@Defensagob) October 3, 2024

O primeiro dos dous avións do exército do Aire enviados polo Goberno partiu cunhas 200 persoas a bordo, segundo informou o Ministerio de Defensa.

🔴 Evacuación de españoles en Líbano.

Ya ha despegado desde Beirut #Líbano, rumbo a España, el #A330 del @EjercitoAire, con unos 200 ciudadanos a bordo. pic.twitter.com/AQzqMNSoZt

— Ministerio Defensa (@Defensagob) October 3, 2024

O primeiro avión, en que viaxan cidadáns españois, os seus familiares e parte do persoal da Embaixada de España no Líbano, aterrará arredor das 17:00 horas desta tarde á Base Aérea de Torrexón de Ardoz (Madrid), segundo informaron fontes de Defensa a EFE.

Trátase dun un A330 con capacidade para 288 pasaxeiros, que engalou esta madrugada desde Djibuti, onde levou material militar, e aterrou en Beirut pouco antes das 8:00 horas. 

🔴 Evacuación de españoles en Líbano.

Dos aeronaves del @EjercitoAire, un #A330 que se encuentra ya en Beirut y un #A400 que partió a primera hora desde la Base Aérea de #Zaragoza, repatriarán a los ciudadanos españoles que quieran abandonar el país.

📹 @miradacriticat5 pic.twitter.com/BLJSWNqBoJ

— Ministerio Defensa (@Defensagob) October 3, 2024

O segundo avión militar chegou ao aeroporto de Beirut arredor das 12:00, case catro horas despois de que o fixera o primeiro, segundo confirmou o Ministerio de Defensa.

É un A400 con capacidade para acoller 116 pasaxeiros que saíu desde a Base Aérea de Zaragoza. Como o primeiro, o avión precisou unhas horas para carga e reposición. Está previsto, igualmente, que chegue á Base Aérea de Torrexón de Ardoz (Madrid) pola tarde. 

O obxectivo é cumprir co plan de evacuación de españois no Líbano deseñado polos ministerios de Defensa e asuntos Exteriores ante o agravamento do conflito en Oriente Medio.

Defensa e Exteriores esperan evacuar este xoves a unha parte importante dos españois no Líbano

O ministro de Asuntos Exteriores, Cooperación e Unión Europea, José Manuel Albares, detallou nunha entrevista en TV3, recollida por Europa Press, que serán rescatados cidadáns españois, os seus familiares, así como persoal da Embaixada de España no Líbano, coa intención de deixar esta en servizos mínimos e cos traballadores estritamente necesarios.

Iso si, non puido confirmar o número exacto de persoas que serán evacuadas de Beirut porque, segundo relatou, neste tipo de operacións sempre hai persoas que se incorporan a última hora e outros cidadáns que comunicaran a súa intención de saír da zona de conflito pero que finalmente desisten.

"Nestes momentos estamos a falar de arredor dunhas 300 persoas, aínda que máis de 500 expresaron o seu desexo de saír", engadiu Albares, expresando o seu desexo de que a final do día de hoxe concluíse con éxito "esta primeira fase da operación", á espera de coñecer se é necesario enviar un terceiro avión.

Un posible terceiro avión

Ao preguntarlle sobre se finalmente haberá unha terceira oportunidade de saída no caso de que se acabe pechando o espazo aéreo na zona, Albares pediu aos españois que "non especulen con iso" e que se cambian de opinión tras a evacuación deste xoves traten de volver a España "polos seus propios medios", nun dos tres voos comerciais diarios entre Beirut e Madrid.

"Eu o que diría á xente é que, por favor, non especule con iso. Nestes momentos danse as condicións de seguridade. O aeroporto de Beirut está aberto (...). Non sabemos como pode ser a situación mañá", avisou o ministro de Exteriores.

A ministra de Defensa, Margarita Robles, dixo que espera que ao longo deste xoves se poida realizar unha parte importante da evacuación de españois no Líbano cos dous avións das Forzas Armadas españolas enviados a Beirut e adiantou que se é necesario se trasladará un terceiro.

"Imos ver se estes dous avións son suficientes ou é necesario enviar un terceiro avión", recalcou a ministra no programa La Mirada Crítica de Telecinco, onde asegurou que "está todo perfectamente organizado" coa Embaixada de España en Líbano parta levar a cabo esta evacuación ante o agravamento do conflito en Oriente Medio.

Comentou que aínda que "estas evacuacións teñen sempre un evidente perigo, como ocorreu noutras que fixo o Exército do Aire en Afganistán, Níxer ou O Sudán, polos sobrevoos que hai que facer e a situación do aeroporto de Beirut, os nosos pilotos e dotacións son excepcionais profesionais".

"Polo tanto, estamos tranquilos nese sentido de que ao longo do día se poderá realizar unha parte importante da evacuación", insistiu Robles.

Gracias @EjercitoAire por vuestro trabajo en la evacuación de los ciudadanos españoles que están en Líbano. Siempre al servicio de los ciudadanos. pic.twitter.com/MvrL8gu4jJ

— Ministerio Defensa (@Defensagob) October 3, 2024

Explicou que aínda que son uns mil españois os que están censados no Líbano, segundo unha primeira aproximación que lles trasladaron para preparar os voos poderían ser evacuadas entre 400 e 500 persoas porque "algunhas se cadra apúntanse a última hora ou outras vólvense para atrás".

Os militares despregados no Líbano continúan de momento

Tamén lle preguntaron á ministra sobre se seguirá a misión da ONU en Líbano, onde se atopan 650 militares españois.

"A que ten que tomar a decisión é Nacións Unidas, e España está sempre moi comprometida con esa misión porque desde 2006 está alí e é un punto de referencia moi importante", sinalou Margarita Robles.

Dixo que había escasamente unha hora falara co xeneral García do Barrio, o xefe do continxente no Líbano, e que lle explicou que este xoves puideron saír dos búnkers e que teñen "a moral altísima", co que "nos dan un exemplo de tranquilidade".

Engadiu que os equivalentes a alcaldes dalgunhas aldeas da zona pediron aos militares españois das Nacións Unidas que fagan un labor de protección para que poidan reparar os danos que se produciron.