Un traballador forestal morre ao caerlle enriba un eucalipto en Pantón
Un traballador forestal morre ao caerlle enriba un eucalipto en Pantón
As forzas de seguridade investigan as circunstancias do suceso
O accidente laboral ocorreu nunha plantación de eucaliptos próxima ao lugar de Lornís, en Pantón, pasadas as dez da mañá.
Segundo declaracións da veciñanza, a vítima estaba nunha pista afiando a cadea da motoserra cando lle bateu unha das árbores que cortaba o seu compañeiro.
"Era unha persoa que estaba traballando e tampouco temos moitos máis datos. Parece que era unha corta, que alguén vendeu a madeira e viñéronlla cortar. Foi mala sorte e lamento que unha persoa tan nova falecera".
O traballador de 49 anos e nacionalidade romanesa faleceu no acto a causa dun golpe na cabeza. Os servizos médicos só puideron certificar a morte. Tanto a vítima coma o compañeiro traballaban como operarios forestais na comarca e residían na Pobra do Brollón.
