Atopan substancias contaminantes nas baterías de litio
Atopan substancias contaminantes nas baterías de litio
Un equipo de investigadores acaba de confirmar a presenza de substancias altamente tóxicas
Tomaron mostras na auga e no chan preto de plantas de fabricación, como en Bélxica e en Francia
As baterías de litio lideran a transformación do parque de vehículos para que non sexan contaminantes, co coche eléctrico á cabeza como solución para acadar os obxectivos de descarbonización impulsados por Europa.
Porén os expertos alertan dun efecto secundario contaminante no proceso de fabricación e extracción do litio.
Un equipo de investigadores acaba de confirmar a presenza de substancias altamente tóxicas logo de tomar mostras na auga e no chan preto de plantas de fabricación como en Bélxica e Francia. Recomendan buscar outras alternativas para combater a crise climática que non liberen contaminantes.
As alternativas pasan polas baterías de sodio, de fluxo ou de metal-aire, aínda en estudo, pero que presentan maior seguridade que o litio.
Pola súa vida útil máis longa, os tempos de carga máis rápidos e o seu peso lixeiro, as baterías de litio son difíciles de substituír.
