Aumentan a 120 os casos confirmados da varíola do mono en España
Aumentan a 120 os casos confirmados da varíola do mono en España
A comunidade que rexistra máis infeccións é Madrid, con 76 casos confirmados
Os laboratorios do Instituto Carlos III recibiron 245 mostras de casos sospeitosos
O Instituto de Saúde Carlos III notificou este luns que hai 120 casos confirmados de varíola do mono en España. Isto significa que hai 22 novos casos desde o pasado venres.
Sanidade detalla que os laboratorios deste Instituto recibiron 245 mostras de casos sospeitosos de monkeypox. Deles, 125 casos deron negativo para a varíola humana e outros orthopoxvirus, polo que automaticamente xa queda descartada a varíola do mono.
Madrid é a comunidade na que se rexistraron máis infeccións. Este luns suman outros 76 casos confirmados e 48 casos sospeitosos. A comunidade comezou a realizar probas PCR este luns en cinco hospitais do Servizo Madrileño de Saúde para "facilitar o diagnóstico e poñer en funcionamento as medidas de control da transmisión no menor tempo posible".
Esta mesma decisión tamén foi adoptada por Andalucía que, con catro casos confirmados ata o momento, empezará un sistema de cribado por PCR e de identificación por secuenciación nos servizos de Microbioloxía dos hospitais Virxe do Rocío en Sevilla e San Cecilio de Granada.
