Aumentan as matriculacións nos ximnasios coa fin das vacacións
Aumentan as matriculacións nos ximnasios coa fin das vacacións
A maioría das actividades deportivas para a cativada comezarán o mes que vén
Setembro e xaneiro son os meses con máis matriculacións nos ximnasios.
Nos centros de Vigo comezan a recuperar o seu ambiente habitual. Hai quen busca perder eses quilos que se gañaron cos xeados e o bar de praia, pero sobre todo manterse sans e áxiles.
Víctor Urbina, dono de Gym Imperium, explica: "Van persoas con problemas hormonais, de sedentarismo ou os que gañaron algo de peso este verán para que os axudemos".
Non todos abandonaron o deporte no verán e as motivacións son diferentes.
Contan os expertos que é importante manterse firmes nos obxectivos.
O responsable deste centro familiar de Vigo apunta: "O corpo ten memoria e recupera o ritmo rapidamente. Aos que comezan novos, si que temos que axudalos pouco a pouco".
Polo momento, son os adultos os que comezan a encher os ximnasios, a maioría das actividades deportivas para a cativada comezarán o mes que vén.
