Austria impón un confinamento xeral e a vacinación obrigatoria
Austria impón un confinamento xeral e a vacinación obrigatoria
O Goberno austríaco adopta as medidas ao non lograr frear os contaxios
O confinamento será de 20 días e a partir de febreiro toda a poboación deberá estar vacinada
O Goberno de Austria acordou este venres un confinamento xeral no país a partir do luns, despois de que as medidas adoptadas ata o de agora -incluídas restricións ao movemento dos non vacinados- non lograran frear o aumento dos contaxios.
"Os cidadáns deberán asumir novas restricións durante 20 días porque houbo demasiados que se mostraron insolidarios. Pídolles que sigan as medidas e que reduzan os contactos", declarou o chanceler federal, Alexander Schallenberg, ao anunciar o confinamento.
Schallenberg tamén anunciou a vacinación obrigatoria a partir de febreiro de 2022 de todos os residentes do país, no que ao redor do 65 % da poboación ten a pauta completa, unha das cifras máis baixas de Europa Occidental.
A taxa de contaxios en Austria está entre as máis altas do continente, con case mil casos por 100.000 habitantes.
.png)
.png)