Auxilian sete persoas que se bañaron no mar con bandeira vermella en Valdoviño

"Malia ondear a bandeira vermella e as advertencias do servizo de salvamento, a entrada á auga de bañistas foi constante" na praia da Frouxeira de Valdoviño durante a xornada do luns, tal como confirmou o propio Concello. 

Por mor dese comportamento imprudente, foron necesarios dous operativos de rescate. A primeira intervención rexistrouse ao redor das 17:30 horas, cando se auxiliou "a un pai e ás súas dúas fillas menores de idade", mentres que menos dunha hora despois foi preciso "sacar da auga un home e o seu fillo menor de idade" xunto cos dúas persoas máis.

Dous dos rescatados tiveron que ser trasladados ao Hospital Arquitecto Marcide de Ferrol: un home de 43 anos e unha muller de 21 anos.

Estes rescates súmanse aos cinco que se rexistraron a semana pasada en varios areais de Valdoviño.