Aviso amarelo por treboadas e chuvascos no interior de Galicia

A chegada inminente do outono este domingo estase xa a notar en diversos puntos de Galicia onde xa houbo chuvascos pola mañá. Para esta tarde ata as dez da noite está activado un aviso amarelo por choivas intensas e treboadas en todo o interior de Galicia.

A choiva está sendo moi ben recibida sobre todo en localidades limítrofes con Portugal onde foi intensa a afectación polo fume dos incendios en Portugal. Alí a choiva cadrou moi ben porque case a totalidade das adegas remataron xa a vendima hai varios días, aínda que Veiga da Princesa tivo que interrompela  esta mañá precisamente pola auga.

Menos afectado polo aviso estará o litoral galego.