Aviso amarelo por vento e ondas no litoral da provincia da Coruña e da Mariña luguesa

Primeira xornada do ano que deixa un mar embravecido soprando o vento con forza, con mar de fondo e intensidade en aumento.

Está activado o aviso amarelo desde a Costa da Morte ata Ribadeo. Amais do vento no mar e as ondas, nas próximas horas intensificarase a chuvia.

E non foron poucos os que aproveitaron e saíron dar unha camiñada preto do mar. 

Mañá martes a situación empeora pasando a aviso laranxa por vento no litoral da provincia da Coruña.