Boa parte de Galicia continúa en aviso amarelo polas treboadas
Boa parte de Galicia continúa en aviso amarelo polas treboadas
A chuvia descargou con forza este mediodía en Ourense
Durante a noite caeron máis de catro mil raios en toda Galicia
As treboadas estendéronse esta madrugada por toda Galicia. Entraron desde o Atlántico e iluminaron a costa, desde as illas Cíes á cornixa cantábrica. No parque natural da serra da Enciña da Lastra un raio causou un conato de incendio, xa extinguido.
Máis de catro mil lóstregos caeron esta noite, a maioría entre a medianoite e as catro da mañá, cando as treboadas se xeneralizaron por todo o país, acompañadas por abundante auga.
Onde máis choveu foi en Lalín, 36 litros por metro cadrado acumulados en 12 horas, e na Fonsagrada, 35. Tamén andaron cerca Boiro, con 29, e a cidade de Ourense, onde caeron 27 litros por metro cadrado.
En cidades coma Vigo e Ourense, os bombeiros pasaron a noite achicando auga en estradas e garaxes, pero sen incidencias salientables. E xa pola mañá, eran os equipos de limpeza os que tomaban as rendas. Nesta rúa de Ourense, os veciños están fartos.
Aviso amarelo
E esta tarde seguimos en aviso amarelo, en toda a provincia de Ourense e a de Lugo, noroeste da Coruña e interior da Coruña e Pontevedra.
