Bruxelas entrega a España 6.000 millóns, o terceiro pago de fondo de recuperación

A Comisión Europea entregou a España os 6.000 millóns de euros do terceiro tramo de fondos de recuperación poscovid despois de que os estados da Unión Europea deran o seu visto e prace a este terceiro desembolso, que eleva a 37.036 millóns as subvencións do fondo Next Generation recibidas ata o de agora polo país.

O Executivo comunitario informou nun comunicado do pago, polo que España xa obtivo máis da metade dos 69.500 millóns de euros en transferencias que ten asignados ata o de agora do fondo de recuperación e mantense como o socio comunitario que máis diñeiro recibiu ata a data.

Bruxelas aprobou o desembolso o 17 de xaneiro tras constatar que España implementara as reformas e investimentos comprometidas para o primeiro semestre de 2022, en concreto 23 fitos e 6 obxectivos; así como emendado algunhas deficiencias que se detectaron no sistema de auditoría.