Buscan dúas persoas implicadas nunha agresión cunha barra de ferro en Pontevedra
Buscan dúas persoas implicadas nunha agresión cunha barra de ferro en Pontevedra
Tanto o agresor como outra persoa que presenciou os feitos fuxiron e deixaron o ferido no lugar da liorta, preto dunha gasolineira de Monte Porreiro
Lugar en que se produciu a agresión
A policía busca dúas persoas que fuxiron despois de verse implicadas nunha agresión cunha barra de ferro en Pontevedra. A pelexa produciuse arredor das 15 horas da tarde do xoves xunto a unha gasolineira de Monte Porreiro.
Un particular avisou o 112 de que dúas persoas estaban pelexando e unha lle batera a outra cunha barra de ferro. Ao chegar ao lugar, o agresor fuxira e o agredido estaba ferido. Precisou atención sanitaria e foi atendido in situ, pero rexeitou que o levaran ao hospital na ambulancia.
Na pelexa habería unha terceira persoa implicada que presenciou os feitos, pero marchou, igual que o agresor. A Policía Local de Pontevedra activou un dispositivo para buscalos, pero polo momento non deron con eles.
