Buscan un home de 80 anos que desapareceu o domingo en Friol
Buscan un home de 80 anos que desapareceu o domingo en Friol
Xosé Luis Rodríguez levaba pantalóns de cor marrón, chaqueta negra, botas e unha gorra
Case un cento de veciños colaboran na busca cos equipos de emerxencias
O coche apareceu nunha pista forestal próxima á propiedades que adoitaba visitar
Un amplo dispositivo de busca intenta dar en Friol co paradoiro dun veciño de 80 anos do que nada se sabe desde o domingo. Xosé Luís Rodríguez adoita saír só a pasear e ver as súas propiedades.
O domingo foi no coche. Pero non regresou ao mediodía, e a familia comezou a buscalo. Atoparon o vehículo nesta pista forestal, pero de Xosé Luís, nin rastro, como explica o seu fillo Xosé Manuel.
Xosé Luís levaba postos uns pantalóns marróns, chaqueta negra, botas e unha gorra. Malia que non ten ningún problema de saúde grave, a familia cre que se puido desorientar cando saíu a camiñar.
Desde o luns, ducias de veciños sumáronse á busca. No operativo, coordinado pola Garda Civil, participan Policía Local, membros ds GES e a unidade canina. Peitean a zona próxima á pista onde apareceu o coche e onde unha veciña di ter visto a Xosé Luís o domingo á tarde.
Está previsto que se incorporen á busca un helicóptero e os drons da Axencia Galega de Emerxencias cando pare de chover.
