Calor de verán estes días en Galicia

En Ourense están afeitos á calor pero esta vez chega en abril e así de súpeto, despois de frío, moita choiva e mesmo a neve en primavera, veñen temperaturas moi altas para a época en que estamos.

Esta tarde, segundo Meteogalicia, terán na cidade das Burgas ata 30 graos e mañá aínda máis, 31. E non só aquí teremos unha tarde de verán, tanto nas Rías Baixas, coma en Lugo e Ferrol vanse superar os 25 graos.