Calviño celebra as mellores previsións de CE e afronta "con confianza" a desaceleración

A vicepresidenta de Asuntos Económicos, Nadia Calviño, celebrou este luns a revisión á alza das previsións económicas da Comisión Europea (CE) para España e asegurou que a política económica "funciona" e permite afrontar "con confianza" a desaceleración global.

Calviño destacou que a Comisión elevou a previsión para este ano ao 2,2 %, "por encima da previsión do Goberno", o que "confirma que España será a gran economía europea que máis creza en 2023 e coa menor inflación".

Tamén en 2024 "a Comisión prevé que sigamos liderando o crecemento na zona euro" a pesar de rebaixar a súa estimación nunha décima, ao 1,9 %, "e cunha inflación xa por baixo do 3 %".

"A nosa política económica funciona e permítenos afrontar con confianza o complexo momento actual de retardación económica tanto en europa como a nivel internacional", engadiu.