Calviño pide regras de axuste fiscal compatibles co crecemento

A vicepresidenta primeira pide que Europa non repita os erros cometidos durante a anterior crise. Nun acto co presidente do Eurogrupo, Nadia Calviño avogou porque o retorno a niveis de déficit e débeda previos á pandemia se faga sen poñer en risco o crecemento económico e a creación de emprego.

A responsable de Economía reclama que os plans de consolidación fiscal se adapten á realidade de cada estado membro: "España defende unha axenda de reforma das regras fiscais realista e pragmática, con sendas de redución do déficit e da débeda adaptadas á situación de cada país, impulsando ao mesmo tempo o crecemento e  a creación de emprego de calidade"