Cambados pecha unha nova edición da súa Festa do Albariño
Cambados pecha unha nova edición da súa Festa do Albariño
As adegas, contentas coa afluencia de xente e as vendas
A Festa do Albariño de Cambados, declarada de Interese Turístico Nacional, é un dos encontros enogastronómicos máis importantes de España e, por tanto, un escaparate para os viños participantes. Nesta edición, a número 72, expuxeron os seus caldos 44 adegas.
O albariño, amparado pola denominación de orixe Rías Baixas, está considerado un dos mellores brancos do mundo. A festa durou cinco días e estivo amenizada con pasarrúas, disc-jóckey e concertos de todo tipo.
Capítulo serenísimo
Tras cinco días de exaltación da cultura do Albariño, este domingo celebrouse o chamado Capítulo serenísimo, acto en que se nomean os novos embaixadores deste viño.
A denominación Rías Baixas, que emprega 5.000 viticultores, marca como obxectivo seguir medrando nos mercados internacionais e garantir a remuda xeracional.
O presidente Alfonso Rueda, que exerceu de Gran Mestre, destacou o papel do Albariño como reclamo turístico e avanzou que Galicia pode rematar este ano con récord de visitantes, superando os oito millóns.
