Case 3.000 bombeiros loitan contra o lume no Canadá

Na provincia de Alberta, no Canadá, case tres mil bombeiros traballan no control dos incendios que asolan a zona. Agárdase que a baixada das temperaturas e a chuvia previstas para hoxe axuden a sufocar as lapas.

O fume cubriu gran parte da provincia, empeorando a calidade do aire, pero tamén baixando a intensidade do lume. Nas últimas horas había máis de oitenta incendios forestais activos. No que vai de ano arderon en Alberta máis de 900.000 hectáreas. Os incendios afectan outras partes do Canada, e tamén houbo evacuacións na Columbia Británica.