Castrexos e romanos cítanse de novo no Friulio

Logo de dous anos de parada pola covid os romanos chegan a Friol con moita ilusión e cargados con toda a artillería pesada. Pero os castrexos preparan tódalas súas defensas para esta longa fin de semana do Friulio, unha festa con moitos atractivos.

Friol agarda a chegada de milleiros de visitantes, tendo en conta ademais a previsión de bo tempo para toda a fin de semana. No castro ultiman preparativos para que todo estea a punto para unha festa que non para de medrar.

De feito este ano estarán presentes preto de trinta asociacións de recreación, moitas delas de fóra de Galicia.