Catro detidos en Ourense por roubos con forza en máis de doce vivendas

A Policía Xudicial de Ourense detivo, nunha operación conxunta con Pontevedra e Lugo, catro persoas como autores de máis dunha ducia de furtos con forza en vivendas das tres provincias galegas, co que se dá por desarticulado o grupo criminal que operaba en Galicia roubando vivendas.

Segundo a Comandancia de Ourense, aos ladróns impútaselles, no marco da operación Jericó, trece delitos de roubo con forza, pertenza a grupo criminal e falsidade documental.

Os detidos foron sorprendidos na allada o pasado 19 de decembro na localidade pontevedresa de Tui cando se dispoñían a entrar a unha vivenda e, en rexistros posteriores efectuados nos seus domicilios, a Garda Civil localizou xoias e efectos que se corresponden cos obxectos roubados.

A operación, dirixida polo xulgado de Instrución do Carballiño (Ourense) segue aberta ao obxecto de esclarecer os feitos.