Catro feridos nun accidente na AP9 á saída da Coruña
Dous deles son persoas que pararan para ver que ocorrera e foron atropeladas
Catro persoas foron feridas nun sinistro ocorrido este martes na autoestrada do Atlántico.
O suceso aconteceu pouco antes das nove da noite á saída da Coruña, en dirección Santiago.
No sinistro víronse implicados tres coches.
O accidente produciuse cando un automóbil chocou con outro vehículo que levaba diante. Froito dese impacto mancáronse dúas persoas.
Os ocupantes dos coches e outra xente que viu o sinistro pararon e saíron dos vehículos. Nese momento, unha furgoneta que viña pola autoestrada atropelou dúas persoas que pararan a ver o que ocorrera.
A Garda Civil de Tráfico fai un chamamento á prudencia para que, en caso de accidente, non baixemos do coche sen o chaleco reflectante porque nos expoñemos a ser feridos.
