Chantada despide as festas cunha xornada dedicada á empanada

O último martes de agosto en Chantada ten sabor a empanada. É por tradición o día dedicado a este produto.

Tamén se admiten outras degustacións, porque neste derradeiro día das festas o que se busca é pasalo ben.

A festa da empanada ten lugar na contorna do castro de San Amaro. A chuvia non desluciu a xornada.

Non falta tampouco a música, pero será a verbena da noite a que despida oficialmente as festas ata o próximo ano.