Penélope Cruz, Javier Bardem e Alberto Iglesias son os candidatos españois aos Óscar

A 94 edición dos Óscar chega con destacadas candidaturas españolas. Así o fixeron público os actores Leslie Jordan e Tracee Ellis Ross ao dar a coñecer a listaxe de candidatos.

Esta é a cuarta vez que o compositor donostiarra Alberto Iglesias opta a un Óscar, agora pola banda sonora de 'Madres paralelas'. 

O filme de Pedro Almodóvar podería acadar outro importante galardón, o de mellor actriz protagonista para Penélope Cruz. 

Como candidato a mellor actor protagonista, Javier Bardem, polo seu traballo no filme 'Being the Ricardos', do director Aaron Sorkin.

Alberto Mielgo e Leo Sánchez tamén competirán polo premio na categoría de mellor curtametraxe de animación. Os galardóns entregaranse nunha cerimonia presencial o vindeiro 27 de marzo.