Comeza a campaña do ourizo con boas perspectivas
Comeza a campaña do ourizo con boas perspectivas
Os primeiros prezos oscilan entre os 12 e os 14 euros o quilo
O ourizo é unha especie en alza nos portos galegos. A campaña acaba de comezar con moi boas expectativas.
Tope de capturas e bos prezos. O arranque da campaña do ourizo comeza con bo pé e segundo as perspectivas.
Conforme os datos da confraría, a última campaña pechouse a primavera pasada cun volume de capturas de 34 toneladas e 416.000 euros de facturación.
Por detrás do polbo, o ourizo é o segundo recurso en importancia económica no peirao de Bueu, grazas tamén a un plan de explotación que persegue a preservación da especie.
As oito embarcacións que capturan ourizo dentro do plan conxunto Bueu-Portonovo, na ría de Pontevedra, traballan, de momento, tres días á semana.
Se a cotización aumenta no mes de decembro, como é previsible, engadirían un día máis de labor.
