Comeza a funcionar a autoestrada do mar entre Vigo e Liverpool
Comeza a funcionar a autoestrada do mar entre Vigo e Liverpool
Este venres realizou a súa primeira viaxe de proba
Supón unha ruta directa entre dúas factorías do grupo Stellatis en Vigo e Ellesmere Porto
Prevén unha facturación anual de 150 millóns de euros
O 86 % dos compoñentes que necesita a fábrica de Stellantis, antiga Citroën, no Reino Unido para fabricar a versión eléctrica da furgoneta K9 sairán do porto de Vigo. Este venres realizouse a primeira viaxe de proba da nova autoestrada do mar entre Galicia e Liverpool.
Trátase dunha ruta directa por mar, con dous barcos e dúas escalas semanais, dende Vigo a Ellesmere Port, moi preto das fábricas de automoción do grupo Stellantis.
Prevese unha facturación duns 150 millóns de euros anuais con este movemento. Agárdase que en poucas semanas comece a funcionar de xeito normalizado esta ruta marítima que supón un fito para o sector e unha redución do 30 % nas emisións de CO2.
